ब्युटी न्युज नेपाल
काठमाडौँ, १ फागुन
चलचित्र मायावी यही १४ फागुनबाट रिलिज हुँदै छ । चलचित्रको रिलिज मिति नजिकिँदै गर्दा बिहीबार काठमाडौँमा एक समारोहबिच यो चलचित्रको ट्रेलर सार्वजनिक गरियो । यो चलचित्रको ट्रेलरमा अभिनेता पल शाह, र अभिनेत्री दीपिका प्रसाईँ बिचको प्रेम आरोह अवरोह प्रस्तुत छ । ट्रेलरमा यो चलचित्रका कलाकारहरू सुशील सिटौला, करिष्मा श्रेष्ठ र नव–नायक समिम खानलाई मुख्य स्थान दिइएको छ ।
‘यो धर्को सिन्दूरले तिम्रो परिचय बद्लिएला, तर मेरो मुटुमा लेखेको नाम कहिले बदलिने छैन’, यो चलचित्रको ट्रेलरमा समावेश यस्ता केही संवादहरूले दर्शकको मन छुने देखिन्छ । दिवाकर भट्टराई को लेखन तथा निर्देशनमा तयार भएको यो यो चलचित्रका निर्माता ध्रुव न्यौपाने, राज कटुवाल र चन्द्र पन्त हुन् ।
मायावीमा प्रशान्त ताम्राकार, लक्ष्मी गिरी, अंशु महर्जन, राजाराम पौडेल, रवि डंगोल, रमा प्रसाईँ, दीपेन्द्र सिम्खडा, संगीता सिलवालको पनि अभिनय छ । यो चलचित्रमा राजु पराजुली र सुमित वली सह–निर्माता, प्रविन भट्टराई र करण सिंह कार्यकारी निर्माता छन् । यस्तै, क्रियटिभ सिने आर्टस् प्रा.लिको प्रस्तुतिमा तयार भएको फिल्ममा नेम महर्जनको पनि लगानी छ । चलचित्रमा राजु विक्रम थापाको डीओपी, मिलन श्रेष्ठको सम्पादन, शम्भुजीत बासकोटा र एसडी योगीको संगीत छ ।
राज कुमार कार्की लाइन प्रोड्यूसर रहेको फिल्ममा कविराज गहतराज र प्रवीण सिंहको कोरियोग्राफी छ । फिल्मको ट्रेलरलाई साहिल खानले तयार पारेका हुन् ।
फिल्मको ट्रेलर रिलिज कार्यक्रममा यसका कलाकारहरूले फिल्म निर्माण गर्दाको दुख र रमाइलो पल शेयर गरेका थिए । निर्देशक दिवाकर भट्टराईले फिल्म निर्माणको समयमा पाएको दुख शेयर गर्दै गर्दा धेरैका आँखा रसाएका थिए ।
फिल्मले दर्शकलाई निराश नबनाउने र सबैको अगाडि छाती खोलेर प्रिमियर गर्ने निर्देशक दिवाकर भट्टराई ले बताए । नायक पल शाहले आफ्नो माया गर्ने जो कोहीसँग पनि यो फिल्म हेर्न जान आग्रह गरे ।
फिल्म ‘मायावी’ले लभ स्टोरी फिल्मको निर्माणमा नयाँ आयाम थप्ने विश्वास गरिएको छ ।
