ब्युटी न्युज नेपाल
काठमाडौं, १७ माघ
चलचित्र फेरि रेशम फिलिली निर्माण भएको छ । एक दशक अघि हिट भएको चलचित्र रेशम फिलिलीको सिक्वेलको रुपमा यो चलचित्र बनेको छ । रेशम फिलिलीको भाईरल गीत लाजमा…को रिमेक पनि निर्माणसहति बिहिबार काठमाडौंमा एक समारोहबीच सार्वजनिक गरिएको छ । महाशिवरात्रिको अवसर पारेर फागुन १४ गतेबाट यो चलचित्र प्रदर्शनमा आउने भएको छ । बिहिबार सार्वजनिक रिमेक गीत ‘फेरी जालमा…’ शिर्षकमा छ ।
फेरी जालमालाई पनि त्यो पारिपटी डाँडामा घाम लाग्यो घमाईलो…लाई रिमेक गरेर बनाइएको गीत हो । करिब १० वर्ष अघि २०७१ सालमा रिलिज गरिएको जालमा गीत भाइरल भएको थियो । यही गीतका कारण त्यो वेला ‘रेशम फिलिली’ सिनेमाले बक्सअफिसमा आक्रामक सुरुवात गरेको थियो । तर, सिनेमा प्रदर्शनको दोस्रो दिन नै भुइचालो गएपछि सिनेमाको प्रदर्शन रोकिएको थियो । त्यसबेला प्राकृतीक विपत्तीका बाबजुद पनि राम्रो व्यापार गरेको सिनेमाको सिक्वेल निर्माण गरिहको छ ।
सिनेमाको मात्रै नभई त्यतिवेला भाइरल भएको गीत जालमाको समेत दोस्रो भाग अर्थात् रि–क्रियट गरिएको छ । सोही गीत आज एक कार्यक्रमका बीच रिलिज गरिएको हो । कालीप्रसाद बाँस्कोटाको संगीतमा तयार भएको गीतको शब्द मानस राजले लेखेका हुन् । गायनमा काली र सोमिया बराईली रहेका छन् ।
यो गीतको भिडियामा प्रदिप लामाको कोरियोग्राफी र शिवराम श्रेष्ठले छायांकन गरेका हुन् । बिहीबार युट्युबमा सार्वजनिक ’फेरि जालमा’ गीतमा सिनेमाका मुख्य कलाकार विनय श्रेष्ठ र सुपुष्पा भट्टले नृत्य गरेका छन् । यो चलचित्रलाई निरज महर्जनले निर्देशन गरेका हुन् । सिनेमाको कथा पनि उनले नै लेखेका हुन् ।
फेरि रेशम फिलिलीमा विनय, सुपुष्प, कामेश्वर, नीर शाह, प्रकाश घिमिरे, शिशिर वाङ्गदेल, रविन्द्र झा, लक्ष्मी गिरी, महेश त्रिपाठी, एवनराज उप्रेती, मेक्सम गौडेल, प्रकाश घिमिरे, सजन थापा लगायतको पनि अभिनय छ ।
सुसन प्रजापतीको छायांकन, निर्देशक महर्जन र आकाश बरालको पटकथा, नरेश किङ्ग योगीको द्वन्द्व निर्देशन तथा कालीप्रसाद बाँस्कोटा, एसडी योगी, हर्क साउद, जयन जे वाइवा र दीपक शर्माको संगीत र सुरेन्द्र पौडेलको सम्पादन सिनेमामा रहेको छ ।
सिनेमा आर्ट र वि मोसन पिक्चर्सको सहकार्यमा निर्माण भएको सिनेमामा रौनक विक्रम कडेल निर्माता तथा कार्यकारी निर्माता सुरज बम ठकुरी र सह–निर्मातामा एनि थापा छन् । सिनेमाको पोस्टर डिजाइन ट्राइडेन्ट कन्सेप्टका रोयल भिमसेनले गरेका हुन् । यो सिनेमालाई गोविन्द शाहीको काफिया फिल्मस् र कुवेर सिने डिष्ट्रीव्युसनले वितरण गर्दैछन् ।
