चलचित्र सारंगको ट्रेलर रिलिज


ब्युटी न्युज नेपाल
काठमाडौं, १२ माघ

प्रदर्शनीको तयारीमा रहेको नेपाली चलचित्र ‘सारंग’को ट्रेलर सार्वजनिक गरिएको छ । ‘सारंग’ एक पटक हेर्नै पर्ने फिल्म बनेको बताउदै सबै दर्शकलाई आव्हान गरिएको छ ।

ऋचा शर्मा,उत्पल झा,समीरमणि दीक्षित,सुरज तमु,मणि के राई,अनिषा न्यौपाने,नीरज ब्ल्याक,विश्व स्याङ्बो,दीपिका थापा,सुमन सागर जङ्ग केसी,प्रभात श्रेष्ठका साथमा बाल कलाकार द्वय सम्राट् थापा र आदित्य मुख्य भूमिकामा रहेको फिल्मको निर्मातामा प्रेम तामाङ र फूलमाया तामाङ छन् ।

बिहीबार ओस्कार कलेजका बिद्यार्थीहरु माझ एक कार्यक्रम गर्दै चलचित्रको ट्रेलर दर्शक माझ ल्याइएको हो ।

ट्रेलर रिलिज कार्यक्रमको सहजीकरण ओस्कार कलेजका एकेडेमी कोअर्डिनेटर नवनिधि दाहालले गरेका थिए । कार्यक्रममा बिद्यार्थीहरुबीच सुटिङ अनुभव साट्ने र बिद्यार्थीहरुको जिज्ञासा मेट्ने कार्य गरिएको निर्देशक प्रशान्त तामाङले जानकारी दिए।

ट्रेलरले अभिभावकबिचको बेमेलले सन्तानको मानसिकतामा पार्ने असर,धनी–गरिब बिचको खाडलको कथा बोल्छ । निर्देशक प्रशान्त तामाङकै लेखन,निर्माण अनि निर्देशनमा बनेको फिल्मले गत साता राजधानीमा आयोजना गरिएको विशेष शोमा तारिफ पाएको थियो । यश प्रकारका फिल्म सम्पूर्ण परिवारले हेर्नू पर्ने धारणा दर्शकहरूले राखेका थिए ।

पुष्पा लिम्बू र बिनु गुरुङ सह निर्माता रहेको फिल्म गोपाल रायले खिचेका हुन् । दर्शन बुद्ध फिल्मस्को ब्यानरमा निर्माण भएको फिल्मको सम्पादन मित्र डि गुरुङले गरेका हुन् । फिल्ममा शङ्कर थापा स्माइल र नकुल कार्कीको संगीत,शास्वत श्रेष्ठको बिजीएम अनि सुषमा राईको कोरियोग्राफी छ। फिल्मलाई देशभर स्टेसन ५ ले वितरण गर्दै छ ।