ब्युटी न्युज नेपाल
काठमाडौं, ४ माघ
नेपाली हरर कमेडी चलचित्र ‘फिरफिरे फिरिरी’ आजबाट देशव्यापी रिलिज भएको छ । चलचित्रको आज बिहान काठमाडौंमा प्रेस शो गरिएको थियो । प्रेस शोमा चलचित्रलाई सञ्चारकर्मीले राम्रो प्रतिक्रिया दिएका छन् ।
यो चलचित्रलाई नविन भट्टले निर्देशन गरेका हुन् । आफ्नो चलचित्रले दर्शकबाट राम्रो प्रतिक्रिया पाएको निर्देशक नविनले बताए ।
यो चलचित्रमा सन्दीप श्रेष्ठ, भावना उप्रेती, रविना केसी, पिटर प्रिन्स, मनोजकुमार अधिकारी, शंकर सेढाई, सूर्यमान लिम्बू, पुष्प अवस्थी लगायतको अभिनय छ । निर्देशक भट्ट र सन्दीप श्रेष्ठले फिल्मको स्क्रिप्ट मिलेर लेखेका हुन् । ‘आज साइकल, भोलि फरारी’ ट्यागलाइन दिइएको यो चलचित्रलाई दर्शकले पनि रुचाएका छन् ।
मनोजकुमार अधिकारी फिल्मका निर्माता हुन् । फिल्ममा जितु तामाङको छायाङ्कन, केशवराज भट्टको कोरियोग्राफी, प्रशान्त शिवाकोटीको संगीत तथा अनन्त घिमिरेको सम्पादन रहेको फिल्म बिन्दबासिनी क्रियसनको ब्यानरमा निर्माण भएको हो । फिल्मलाई देशभर आरआर फिल्मस्ले वितरण गरेको हो । चलचित्रको डिजिटल अधिकार म्युजिक नेपालले खरिद गरेको छ ।
