ब्युटी न्युज नेपाल
काठमाडौँ, ४ माघ
नेपाली चलचित्र ‘होस्टेल ३’को गीत ‘टिक टिक टिक’को भिडियो शुक्रवार युट्युब च्यानलबाट सार्वजनिक गरिएको छ । गीतमा अलमोडा राणा उप्रेतीको शब्द, सङ्गीत र स्वर रहेको छ । यसमा अलमोडासँगै सन्तोष राणाले ¥याप भोकल दिएका छन् ।
आगामी फागुन २३ गते रिलिज हुने चलचित्रको यो गीतको भिडियोमा चलचित्रका मुख्य कलाकारहरूको आकर्षक नृत्य रहेको छ । जसमा पारस बम (कुल ब्वाई), रिहान गिरी, आशिष घिमिरे र पदम तामाङ तथा अभिनेत्रीहरू सिम्रन पन्त, हेना नगरकोटी र समा पराजुलीले अभिनय गरेका छन् । भिडियोलाई प्रविण सिंहले कोरियोग्राफी गरेका हुन् ।
‘होस्टेल’ शृङ्खलाको तेस्रो संस्करणको रूपमा ‘होस्टेल ३’ निर्माण गरिएको हो । चलचित्रको निर्देशन सशान कँडेलले गरेका हुन् भने स्क्रिप्ट माधव शर्माले लेखेका छन् । कथा निर्देशक कँडेलकै हो । यसका उमर खान, सन्तोष बानियाँ, रोहण श्रेष्ठ, आशिष् पुरुषलगायतका कलाकारहरूको पनि अभिनय रहेको छ ।
चलचित्र सम्मान इन्टरटेनमेन्टले आरोन कन फिल्म्ससँगको सहकार्यमा निर्माण गरेको हो । निर्माताहरू सुरेश कँडेल, कर्ण कार्की र गोविन्द अधिकारी तथा कार्यकारी निर्माता शङ्कर कोइराला हुन् । सह निर्माताहरू शिशिर ज्ञवाली, कुन्दन गुप्ता र अनीश सिग्देल तथा लाइन प्रोड्युसर कोसिसराज क्षेत्री हुन् ।
होस्टेल ३ मा अर्जुन तिवारी डिओपी, बुद्ध थापा र मनोज खत्रीको सिनेमाटोग्राफी, यम प्रसाद ओली प्रोडक्सन डिजाइनर हुन् । चलचित्रका सङ्गीतकारहरू अर्जुन पोखरेल, अलमोडा राणा उप्रेती, महेश ज्ञवाली र किरण माइकल हुन् । जसमा विकास दाहालको सम्पादन, प्रवीण सिंह र रोशन विश्वकर्माको कोरियोग्राफी, हिमाल केसीको द्वन्द्व निर्देशन रहेको छ ।
