ब्युटी न्युज नेपाल
काठमाडौं, २ माघ
लोक गायिका सुनिता दुलालले आफ्नो नयाँ गीतको भिडियो सार्वजनिक गरेकी छिन् । उनले आफ्नो नयाँ देउडा भाकाको गीत माघे सङ्क्रान्तिको अवसर पारेर मङ्गलवार सार्वजनिक गरेकी छिन् । गायिका सुनिता दुलालले यस पटक अभिनेता दिलीप रायमाझीसँग आफ्नो नयाँ गीत ओ बड्डा…को भिडियोमा अभिनय समेत गरेकी छिन् ।
भिडियोलाई ‘सुनिता दुलाल युटयुब च्यानल’ मार्फत सार्वजनिक गरिएको छ । यसमा उनलाई लोकगायक चक्र बमले स्वरमा साथ दिएका छन् ।
गीतको भिडियोमा सुनिता र दिलीपसँगै अञ्जली अधिकारी र चक्र बमको समेत अभिनय छ । चक्रकै शब्द संगीत रहेको गीतलाई गम्भिर विष्टले निर्देशन गरेका हुन् ।
गायिका दुलालले यस पटकको गीत आफूले गाइरहेको भन्दा फरक शैलीको रहेकाले दर्शक श्रोताहरुलाई मन पर्ने दाबी गरिन् । भिडियोमा नवराज उप्रेतीको छायाङ्कन र प्रवीण भट्टको सम्पादन रहेको छ ।
