ब्युटी न्युज नेपाल
काठमाडौं २८ पुस
लोक तथा दोहोरी गायनमा फरक परिचय बनाएका गायक प्रकाश कटुवालले यतिबेला आफ्नो नयाँ लोक दोहोरी भाका ‘घोडा चढेर’ सार्वजनिक गरेका छन् । गायक कटुवालले यो गीतको भिडियोलाई आफ्नै प्रकाश कुटवाल अफिसियल युट्युव च्यानलबाट सार्वजनिक गरेका हुन् ।
काँठो भाकाको यो गीत निकै रमाईलो छ । गीतमा गायक प्रकाश कटुवाललाई महिला स्वरमा गायिका दुर्गा सापकोटाले साथ दिएकी छिन् । माघ महिना सुरु हुन लाग्दैगर्दा अविवाहितका लागि विवाहको प्रस्ताव राख्न सहज होस भनेर यो रमाईलो गीत सार्वजनिक गरेका गायक प्रकाश कटुवालले बताएका छन् । गीतमा मन परेको प्रेमीकालाई जन्तीसहित घोडा चढेर लाने कुरा गरिएको छ । गीतको बेला यस्तो छ,
‘ए सिउँदो भरेर
जान्छौ भने लान्छु कान्छी सिउँदो भरेर
जन्ती अघि पछाडी घोडा चढेर…’
यो रोमाञ्चक शैलीको नृत्य प्रधान गीतलाई विनोद ढकालले लेखेका हुन् । गीतमा संगीत भने गायक प्रकाश कटुवाले नै सृजना गरेका छन् । यो गीतमा संगीत सँयोजन कमल सुरागले गरेका छन भने कुमार रानाको मिक्सिङ र मास्टरिङ रहेको छ । गीतलाई मारुनी स्टुडियोमा रेकर्ड गरिएको हो ।
यो गीतको भिडियो पनि त्यत्तिकै रमाईलो बनेको छ । विवाहको लागि सजाईएको जस्तो सुन्दर घरको आँगनमा बसेर दोहोरी खेल्दै गीतमा केटाले केटी पक्षलाई बेहुली बन्न प्रस्ताव राखेर र केटी पक्षले स्विकार नगरेको प्रसँगबाट गीतको भिडियो अघि बढेको छ ।
यो गीतको भिडियोमा काजिश श्रेष्ठ, लोमस शर्मा, गीता ढुंगाना र यशु भट्टराइको मुख्य भूमिका निर्वाह गरेका छन् । गीतको भिडियोमा अन्य कलाकारको पनि रमाईलो नृत्य एवम् अभिनय छ ।
गीत घोडा चढेरको भिडियोमा दुर्गा पौडेलको छायांकन, दिपक विष्टको सम्पादन रहेको, सरिता मगरको सृँगार, काजिश श्रेष्ठको कोरियोग्राफी र निर्देशन रहेको छ । गीत र भिडियोलाई स्मृति म्युजिक प्रा.लि.ले निर्माण गरेको हो ।
