ब्युटी न्युज नेपाल
काठमाडौं २७ पुष
चलचित्रमा सफल संगीतकार र पाश्र्व संगीतकारको रुपमा लोकप्रियता हाँसिल गरेका एलिस कार्की पछिल्लो समय आधुनिक तथा लोकपप गीतको संगीत सृजनामा पनि त्यत्तिकै सफल र व्यस्त छन् । यिनै संगीतकारको संगीतमा यतिबेला नयाँ गीत पिर पर्यो…को भिडियो दर्शकमाझ आएको छ । गीतको भिडियोलाई ईश्वर थापा अफिसियल युट्युब च्यानल मार्फत सार्वजनिक गरिएको हो ।
यो गीतका भिडियोलाई शनिबार सार्वजनिक गरिएको छ । यो गीत समिक्षा अधिकारी र महेन्द्र बिकको स्वरमा रहेको छ । गीतलाई रमेश कुमार श्रेष्ठले लेखेका हुन् । जसमा एलिस कार्कीले माधुर्य संगीत भरेका छन् ।
यो गीतको भिडियोमा अभिनेता आकाश श्रेष्ठ र मोडल बिना राउतको अभिनय हरेको छ । यी दुईको जोडी भिडियोमा सुहाएको छ ।
गीत पिर पर्योको भिडियोलाई मिस्टर काजीले निर्देशन गरेका हुन् । जसमा जितु तामाङको छायांकन, मन्दिरा दोङको सृँगार, लाक्पा दोर्जी तामाङको कोरियोग्राफर, रबि भुजेलको व्यवस्थापन र विजय दोङको आर्ट रहेको छ । भिडियोको पोस्ट प्रोडक्सन स्टुडियो ब्राईटलाइट पिक्चर्सले गरेका हो ।
