राजधानी समाचारदाता
काठमाडौं, १७ पुस
नयाँ चलचित्र ‘ममी’ निर्माण भएको छ । यो चलचित्र हरर जनरामा निर्माण गरिएको हो । आगामी २५ माघमा रिलिजको घोषणा सहित यो चलचित्र हिजो टिजर सार्वजनिक गरिएको छ । चलचित्रको टिजर हेर्दा यो चलचित्रमा भयानक डरलाग्दा घटनाहरु समावेश गरिएको देखिन्छ ।
यो चलचित्रमा प्रियंका कार्की, दीया मास्के, सुलक्षण भारती, समीप निरौला, घनश्याम जोशी, आयुषी ढकाल, जेभिस श्रेष्ठ, गीता विष्टलगायतका कलाकारहरूको मुख्य भूमिका छ ।
चलचित्र ममीको छायांकनमा निशाल पौडेल र शरद महतो, सम्पादनमा सुरेन महर्जन, पाश्र्व ध्वनीमा रोहित शाक्य, साउन्ड डिजाईनमा श्रवल आर पि, रंग सँयोजनमा दिपेश चौधरी र संगीतकारमा एसडी योगी रहेका छन् । यो चलचित्रलाई काठमाडौं उपत्यकामा काफिया फिल्मस् र मोफसलमा कुवेर सिने डिष्ट्रीव्युसनले वितरण गर्दैछन् ।
सो ट्वान्टी फाइभको प्रस्तुतिमा निर्माण भएको यो चलचित्रलाई समर निरौलाले निर्देशन गरेका हुन् । यो समर डेब्यू निर्देशक हुन् । चलचित्रको कार्यकारी निर्मातामा सुमन कोइराला हुन् । ममीमा समर निरौला र पूर्णिमा जोशीको लेखनसँगै लोक राज जोशी, पूर्णिमा जोशीको निर्माण रहेको छ ।
