ब्युटी न्युज नेपाल
काठमाडौं, १५ पुस
गीतकार डब्बु क्षत्रीले आफ्नो रचनामा नयाँ गीत छोड सताउन…को भिडियो सार्वजनिक गरेका छन् । यो लोक लयमा आधारित गीत हो ।
गायिका सरिता भारती र गायक ओम सुनारको स्वरमा यो नयाँ गीत रहेको छ । छोड सताउनको गीतको भिडियो बिहिबार ओएसआर डिजिटल युट्युव च्यानलबाट रिलिज भएको हो । गीतबाट सरिता र ओमको यो पहिलो सांगीतिक सहकार्य गरेका छन् ।
यो गीत पश्चिमेली लोक भाकामा आधारित रहेका छ । गीतको संगीत र संगीत संयोजन पनि ओम सुनारले नै गरेका हुन् । म्युजिक किचनमा राजेन्द्र बजगाईले रेकर्ड गरेको यो गीतलाई मनोज परियारले मिक्सिङ तथा मास्टरिङ गरेका छन् ।
गीकार डब्बु क्षत्रीले कर्णाली र सुदुरपश्चिम प्रदेश भ्रमणको बेलामा त्यहाँ प्रयोग हुने छोट्या र छोट्टी (केटा र केटी) शब्द टिपेका क्षत्रीले सोही शब्दलाई गीतमा प्रयोग गरेर स्थानीय भाषालाई अन्तराष्ट्रिय क्षेत्रमा भिडियो मार्फत पु¥याएका छन् । यो गीतको भिडियोको निर्देशन पनि डब्बु क्षत्रीले नै गरेका हुन् । यो गीतको भिडियोमा अभिनेता प्रवण भुसाल, चर्चित मोडल सनम कठायत, मोडलहरु प्रतीक्षा काफ्ले, सजिना लामिछाने, रंजित सिञ्जालीसँगै गायिका सरिता भारतीले पनि मुख्य अभिनय रहेको छ । यो गीतको भिडियोमा अरु कलाकारहरु लायन नकुल गिरी, लायन हरिकृष्ण गिरी, लायन सुरेन्द्र गिरीलगायत पनि रहेका छन् ।
एक युवतीलाई अविवाहित भनेर प्रेम प्रस्ताव राख्दा ती युवती विवाहित भएको र उनको श्रीमान पनि साथमै रहेको रहस्य यो गीतको भिडियोले अन्तिममा खोल्दछ । नृत्य प्रधान भए पनि यो गीतको भिडियोमा निकै रमाईलो कथा छ ।
लामो समयदेखि नृत्य निर्देशन गर्दै आएका कृष्ण रसालले यो भिडियोमा कोरियोग्राफी गरेका छन् । छोड सताउन गीतको भिडियोलाई छायांकन, सम्पादन तथा रंग संयोजन राजेन्द्र पाण्डेले गरेका हुन् । नृत्य प्रधान यो लोक गीत र भिडियोले दर्शकबाट राम्रो प्रतिक्रिया पाईरहेको गायक/गायिका ओम र सरिताले बताएका छन् ।
