ब्युटी न्युज नेपाल
काठमाडौं, १८ पुस
आगामी १ चैतमा रिलिज हुने नेपाली चलचित्र ‘पूजा सर : राजागंज’को फस्ट लुक्स (पोस्टर) सार्वजनिक गरिएको छ ।
चलचित्रको पोस्टर निर्माणपक्षले आज सार्वजनिक गरेको हो । पोस्टरमा चलचित्रका मुख्य कलाकारलाई समेटिएको छ । पोष्टरमा दयाहाङ राई, आशा मगराती, विजय बराल र निकिता चाण्डक छन् । ‘पूजा सर : राजागंज’लाई निर्देशक दीपक रौनियारले निर्देशन गरेका छन् । रौनियार तिनै निर्देशक हुन जसको पछिल्लो रिलिज ‘ह्वाइट सन’को प्रशंसा विश्वविख्यात ब्राजिली लेखक पाउलो कोहेलो समेतले प्रशंसा गरेका थिए ।
यो चलचित्रलाई रामबाबु गुरुङले निर्माण गरेका छन् । सिनेमालाई पुलिस थ्रिलरको जनरामा राखिएको छ । सिनेमामा ऋचा शर्मा, पशुपति राई, गौमाया गुरुङ, घनश्याम मिश्रा, आरती मण्डल तथा पुष्पा यादवको पनि अभिनय रहेको छ ।
