ब्युटी न्युज नेपाल
काठमाडौं, १६ पुस
रिलिजको मिति नजिकिँदै गरेको चलचित्र ’एक्टरः टेक वन’का दुई नयाँ पोस्टरहरू र मोशन पोस्टर सोमबार सार्वजनिक गरिएको छ । यो चलचित्र आगामी माघ १६ बाट रिलिज हुने भएको छ । निर्देशक राजन भुसालले चलचित्रको यी दुई अफिसियल पोष्टर भएको बताएका छन् ।
सर्वजनिक गरिएका दुई मध्य एक पोस्टरमा प्रमुख कलाकारहरू प्रदिप खड्का, आना शर्मा, दिव्या रायमाझी र, राजबल्लभ कोइरालालाई राखिएको छ भने अर्को पोस्टरमा अभिनेता द्वय खड्का र कोइरालालाई मात्र प्रस्तुत गरिएको छ ।
यस चलचित्रबाट अभिनेता राज बल्लभ कोइराला १० वर्षपछि ठूलो पर्दामा फर्किँदै छन् । दिव्या रायमाझीले यही चलचित्रबाट आफ्नो अभिनय यात्रा सुरु गरेकी छन् । उनी अभिनेता दिलिप रायमाझीकी छोरी हुन् ।
यस चलचित्रलाई आकाश बराल र राजन भुसालले लेखेका हुन् । यस चलचित्रमा प्रदिप, आना, दिव्या, राजबल्लभका साथै दिव्य देव, उषा रजक, सुशील सिटौलालगायतका कलाकारहरूको प्रमुख भूमिका रहेको छ । अदृत फिल्म्स् र अ मोती फिल्मको संयुक्त प्रस्तुति रहेको यो चलचित्रमा निर्माता थमन कुमार भण्डारी र सह–निर्माता अनीश भुसाल रहेका छन् ।
चलचित्रको छायाङ्कन नरेन्द्र मैनालीले गरेका हुन् भने सम्पादन निमेष श्रेष्ठले गरेका छन् । सङ्गीत हर्कुलस बस्नेत, रोहित शाक्य, र एलिस कार्कीले दिएका छन्, र कोरियोग्राफी शिशिर खाती र किरण थापाले गरेका छन् । पोस्ट–प्रोडक्सन सुपरभाइजर साहिल खान रहेका छन् । यस चलचित्रमा द्वन्द्व निर्देशन अष्ट महर्जनले र कला निर्देशन कृष्णमान तामाङले गरेका छन् ।
