ब्युटी न्युज नेपाल
काठमाडौं, ६ पुस
नेपाली चलचित्र ‘आउटलः दफा २१९’ अब २९ फागुनमा रिलिज हुने भएको छ । यस अघि असोजको ३ गतेबाट रिलिजको घोषणा गरेर पनि रिलिज स्थगित भएको थियो ।
विक्की महर्जनको निर्देशन तथा अमित अग्रहरिको निर्माणमा तयार भएको यो चलचित्रमा सुशिल श्रेष्ठ, शिक्षा संग्रौला, नरेश पौडेल, सुमन भण्डारी, सोनी लगुनको अभिनय छ । यो फिल्मले नायक सुशिल श्रेष्ठलाई फिल्म क्षेत्रमा बलियो कमब्याक गराउने अपेक्षा गरिएको छ ।
यो फिल्मको सार्वजनिक नयाँ पोष्टरमा नायक सुशिल श्रेष्ठको लुक्स गज्जब छ । हातमा हतियार बोकेर बसेका सुशिलको अनुहारमा रगतको छिटा देख्न सकिन्छ । यसले पनि फिल्म कुन जनरामा निर्माण भएको छ भनेर सजिलै वुझ्न सकिन्छ ।
फिल्ममा नविन गुरुङको डीओपी, साहिल खानको सम्पादन, विक्की महर्जनको लेखन, चुल्ठे काजीको एक्सन छ । विनोद कठायत कार्यकारी निर्माता रहेको यो फिल्ममा विकास चौधरी सह–निर्माताको रुपमा छन् ।
फिल्मका लागि यसको निर्माणपक्षले ४० लाख खर्च गरेर नयाँ एक्सनको दृश्य पनि खिचेको छ । जसकाकारण, फिल्मको नयाँ प्रदर्शन मिति सार्वजनिक गर्न केही ढिलाई भएको निर्माणपक्षले बताएको छ ।
