ब्युटी न्युज नेपाल
काठमाडौं, ४ पुष
नयाँ चलचित्र ‘फिरफिरे फिरिरी’ को नयाँ गीत अलमल जिन्दगीको भिडियो सार्वजनिक गरिएको छ । यो चलचित्र आगामी ४ माघबाट प्रदर्शनमा आउने भएको छ । आज सार्वजनिक गरिएको यो गीत वियोग भावमा छ । गीतमा प्रशान्त शिवाकोटीको स्वर,शब्द तथा संगीत रहेको छ । गीतमा रिजोल पोखरेलको संगीत संयोजन रहेको छ । प्रशान्त शिवाकोटीको स्वर संगीतमा यस अघि ’पूर्ण बहादुरको सारंगी’ को गीत काँधे कुरी हिट भईसकेको छ ।
बिन्दबासिनी क्रियसनको ब्यानरमा निर्माण गरिएको फिल्म मनोजकुमार अधिकारीले निर्माण गरेका हुन्। नितिश पुन सह निर्माता रहेका छन्। पछिल्लो समय संसारभर हरर कमेडी फिल्मले राम्रो दर्शकको साथ पाई रहेको बेला अधिकारीले नेपाली हरर कमेडी फिल्म ‘फिरफिरे फिरिरी’ को निर्माण गरेका हुन्।
यो चलचित्रमा मनोज कुमार अधिकारी,सन्दिप श्रेष्ठ, भावना उप्रेती,रबिना केसी, पुष्प अवस्थी, सूर्यमान लिम्बुलगायतका कलाकारको अभिनय रहेको छ ।
यो चलचित्रलाई सन्दिप श्रेष्ठ र नबिन भट्टको लेखन रहेको छ । यसै फिल्मबाट सन्दीप श्रेष्ठ र भावना उप्रेतीले नेपाली रजतपटमा डेब्यु गर्दैछन्। चलचित्रलाई नविन भट्टले निर्देशन गरेका छन्। उनको यो निर्देशनमा डेब्यु चलचित्र हो।
