ब्युटी न्युज नेपाल
काठमाडौं, ४ पुष
नेपाल चलचित्र ‘द्रौपदी’को फस्ट लुक्स सार्वजनिक गर्दै रिलिज मिति तोकिएको छ । यो चलचित्र आगामी ८ चैत विश्वभर प्रदर्शन गरिने यसका निर्देशक ऋषीराज आचार्यले जानकारी गराएका छन् । चलचित्रको पटकथा पनि आचार्यकै हो ।
यो चलचित्रको मुख्य कलाकारलाई समेटेर फस्ट लुक्सको रुपमा बुधबार दुई पोस्टर सार्वजनिक गरिएको हो । पोष्ठमा चलचित्रका मुख्य कलाकारलाई समेटिएको छ । यो चलचित्रमा गायक रवि ओडसहित आश्विनी शाही, सुजाता तिमल्सिना, कविराज भाम, प्रकाश ज्ञवाली, सीता बौडेल, विष्णु ठडराई, सुरज अधिकारी र निर्देशक आचार्यको अभिनय छ ।
आरबी मूभिजको ब्यानरमा निर्माण भएको यो चलचित्रमा मौलिक कथा रहेको पनि आचार्यले बताएका छन् । यसको निर्मातामा आचार्यसहित प्रकाश ज्ञवाली छन् । चलचित्रको रबी ओडको संगीत, सौरभ शर्माको पाश्र्वसंगीत, अनिल महर्जनको सम्पादन, विजय आचार्यको कला, मोहन झिल्लुको छायांकन रहेको छ ।फिल्मलाई डोल्पाको प्रसिद्ध पर्यटकीय थलो शे–फोक्सुण्डो लगायतका थलोमा खिचिएको छ । निर्देशक आचार्यले दुर्गम थलोको पर्यटन प्रवद्र्वनमा पनि फिल्मले भूमिका खेल्ने बताए ।
