ब्युटी न्युज नेपाल
काठमाडौं, ४ पुस
अमेरिकामा बस्दै आएकी अभिनेत्री नन्दिता केसी आमा बनेकी छिन् । लामो समयदेखि अमेरिकामा बस्दै आएकी यी अभिनेत्री बुधबार आमा बनेकी हुन् । उनले आमा भएको र पहिलो सन्तानको रुपमा छोरा भएको जानकारी फेसबुक मार्फत गराएकी छिन्।
नन्दिताले गतवर्ष अमेरिकामा बस्दै आएका अरविन्द कट्वालसँग विवाह गरेकी थिइन् । चलचित्र ‘इन्द्रेणी’बाट उनले अभिनय यात्रा सुरु गरेकी थिईन् । यसपछि ‘हामी तीन भाई’, ‘बाटो मुनीको फूल’, ‘बसमा छैन यो मन’, ‘त्रिशुल’, ‘मृगतृष्णा’, ‘सपना’, ‘तिमी मात्र तिमी’लगायतका चलचित्रमा नायिकाको रुपमा काम गरेकी उनले पछिल्लो समय चलचित्र ‘जंगबहादुरको कोट’मा अभिनय गरेपछि उनी अमेरिका गएकी हुन् । त्यसपछि उनले चलचित्रमा काम गरेकी छैनन् ।
उनी अमेरिकामा ब्युटी कस्मेटिक तथा मेकअप पेशामा सक्रिय छिन् ।
