ब्युटी न्युज नेपाल
काठमाडौं, २६ मंसिर
नयाँ चलचित्र ‘सोल्टिनी’ निर्माणको घोषणा गरिएको छ । चलचित्र ‘रङ्गेली’ निर्देशन गरिसकेका अर्जुन सुवेदीले यो चलचित्र निर्देशन गर्न लागेका हुन् । चलचित्रको शिर्ष भूमिकामा प्रकाश सपुर र परीक्षा लिम्बु रहेका छन् ।
प्लानेट थ्री फिल्म्सको प्रस्तुति तथा नेपसिनेको र योलो इन्टरटेन्मेन्टको सहकार्यमा बन्न लागेको यो चलचित्रले पुस १५ बाट छायाङ्कन सुरु गर्ने तयारी गरेको छ । हाल चलचित्रका कलाकार र प्राविधिक टोलीको वर्कसप चलिरहेको छ । यसैबीच यो चलचित्रको पात्र परिचय भिडियो पनि सार्वजनिक गरिएको छ ।
चलचित्र घोषणासँगै रिलिज मिति पनि २०८२ सालको असोज ३ गते संविधान दिवसको दिनलाई तोकिएको छ ।
