ब्युटी न्युज नेपाल
काठमाडौं, ६ मँसिर
गीतकार हरिभक्त बुढाथोकीले आफ्नो रचनामा नयाँ गीत ‘बुढेसकाल’ को भिडियो सार्वजनिक गरेका छन् । गीतको भिडियो गीतकार हरिभक्त बुढाथोकीको अफिसियल युट्युब च्यानलमार्फत सार्वजनिक गरिएको छ ।
यो गीतमा अग्रज कलाकार मदनकृष्ण श्रेष्ठको स्वर, चेतन चुडालको संगीत, चन्दन साहको एरेञ्ज र महेश्वरमान राजभण्डारीको मिक्सिङ/माष्टरिङ रहेको छ ।
गीतको भिडियोलाई संकेत अगस्तिले निर्देशन गरेका हुन् । यो गीतको भिडियोमा मदनकृष्ण श्रेष्ठसँगै अभि सुनार, मारिया कार्की, जेशिका पोख्रेल, राधिका गजमेरको अभिनय छ । यस्तै बालकलाकारमा फयाश्री निरौला, अंशु बराइली, लिजेन बराइली, जुविन कोइराला, सुयांश सापकोटाको अभिनय छ ।
गीतको भिडियोमा वृद्धि अवस्थाका दुःख, पीडा र पारिवारिक अपहेलनालाई प्रस्तुत गरिएको छ । साक्षी र श्रेयको स्टोरी कन्सेप्ट रहेको गीतको भिडियोमा मुकेश हुँमागाईं र टिमको छायांकन र मीन रावलको कलर एवं सम्पादन छ ।
