ब्युटी न्युज नेपाल
काठमाडौं, ३ मंसिर
प्रमोद खरेलको स्वरमा नयाँ गीत तिम्रो जस्तो हैसियत…को भिडियो बजारमा आएको छ । यो गीतको भिडियोलाई भद्र वली अफिसियल युट्युव च्यानलबाट सार्वजनिक गरिएको छ । गीतमा भागिराम केसीको शब्द, भद्र वलीको एरेन्ज तथा संगीत रहेको छ ।
यो गीतको भिडियो मोडल प्रतीक्षा काफ्लेसहित संगीतकार भद्र वली र गोकर्ण ओलीको अभिनय रहेको छ । वियोगान्त भावको यो गीतमा मोडल प्रतीक्षा काफ्लेको अभिनय ससक्त छ । बिगतका भिडियोमा कुशल नृत्य र अभिनयले दर्शकको मन जितेकी प्रतीक्षाले यसपटक अभिनयबाट पनि दर्शकलाई प्रभावित पारेकी छिन् । आभुषण ईन्टरटेन्मेन्टको अध्यक्ष समेत रहेकी मोडल प्रतीक्षा अभिनित ‘यो हावा चंचल हुन्छ,’ ‘खतरा होला नि,’ ‘लुकि लुकि चियाएर’ लगायतका थुप्रै गीतहरु लोकप्रिय छन् ।
दर्जनौं म्युजिक भिडियो, स्टेज र्याम्प र टेलिचलचित्रहरुमा कुशल अभिनय गरिसकेकी काफ्लेले यस गीतमा माया प्रेममा आउने बिभिन्न परिस्थितिहरुमा आफुलाई ढालेकी छिन् ।
यो भिडियोलाई भद्र आफैंले निर्देशन गरेका हुन् । जसमा नरेश ऐयरको छायांकन र मीन रावलको सम्पादन रहेको छ ।
