ब्युटी न्युज नेपाल
काठमाडौं, २१ कात्तिक
आफ्नो प्रतिद्धन्द्धी डेमोक्र्याटकी उम्मेदवार कमला ह्यारिसलाई पछि पार्दै रिपब्लिकन पार्टीका उम्मेदवार डोनाल्ड जे ट्रम्प अमेरिकाको ४७ औं राष्ट्रपतिमा आज निर्वाचित भएका छन् । एक एक पटकको ग्यापमा फेरी दोश्रो पटक अमेरिकाको राष्ट्रपतिमा आज निर्वाचित भएका हुन् । उनी आगामी ४ वर्षका लािग अमेरिकाको राष्ट्रपतिमा निर्वाचित भएका हुन् । तथापि अमेरिकी निर्वाचन आयोगले उनको बिजयीबारे आधिकारिक घोषणा गर्न बाँकी छ ।
यसरी निर्वाचनमा २७९ इलेक्टोरल भोट प्राप्त गरेर बिजयी भएका ट्रमले अब पार्लियामेन्टबाट यी २७९ संसादबाट मत प्राप्त गर्नु पर्नेछ । त्यसपछि उनी आधिकारिक राष्ट्रपति मानिनेछन् ।
हिजो भएको अमेरिकाको निर्वाचनमा राष्ट्रपतिमा ट्रम्पको इलेक्टोरल भोट २७९ प्राप्त गरेका छन् । जबकि राष्ट्रपति निर्वाचित हुनका लागि २७० इलेक्टोरल भोट भए पुग्छ । उनका प्रतिद्धन्द्धी कमला ह्यारिसले २२३ मात्र इलेक्टोरल भोट प्राप्त गरिन् ।
सन् २०१६ मा पहिलो पटक राष्ट्रपति निर्वाचित भएका ट्रम्प २०२० को चुनावमा भने जो डेमोक्र्याट उम्मेदवार जो बाइडनसँग पराजित भएका थिए । दोश्रो पटक पराजित भएर पनि विभिन्न मुद्धाको सामना गर्दै उनी तेश्रो पटकको प्रयासमा यसपाली फेरी बिजयी भएका हुन् ।
