ब्युटी न्युज नेपाल
काठमाडौं, २० कात्तिक
बिगत ६ दिनदेखि नेपालका चलचित्र घरमा प्रदर्शन भईरहेको नेपाली चलचित्र पूर्णबहादुरको सारँगीले यतिबेला दर्शकको मन जितिरहेको छ । दिन प्रतिदिन हाउसफुल भएकै कारण सिनेमा हलमा सो थपिँदै गएको यो चलचित्रलाई प्रधानमन्त्री केपी शर्मा ओलीले बधाई ज्ञापन गरेका छन् । प्रधानमन्त्री ओलीले मँगलबार आफ्नो फेसबुक पेजमा लेख्दै यो चलचित्रको टिमलाई बधाई ज्ञापन गरेका हुन् । उनले चाँडै यो चलचित्र हेर्ने प्रतिवद्धता पनि जनाएका छन् ।
प्रधानमन्त्री ओलीले आफ्नो फेसबुकमा यस्तो लेखेका छन्,‘पूर्णबहादुरको सारङ्गी चलचित्र हेर्न निम्तो आएको छ। तर समय अभावले हेर्न पाएको छैन। फिल्मको समीक्षा हेर्दैगर्दा यसले हाम्रो सामाजिक परम्परा र व्यवसायिकताको अन्तरद्वन्द्वलाई राम्रोसँग उठान गरेको बुझेको छु। अनुकूलता मिले फिल्म हेर्ने छु। फिल्मका निर्माता र कलाकारहरुलाई बधाई !’
