ब्युटी न्युज नेपाल
काठमाडौं, १६ असोज
नेपाली चलचित्र ‘ज्वाइँ साब’ २४ असोज फुलपातीबाट देशव्यापी रिलिज हुने भएको छ । यो चलचित्रमा कलाकार जितु नेपालको प्रमुख भूमिका छ । चलचित्रमा जितुको पौढ भूमिकाको पोष्टर निर्माण पक्षले बुधबार सार्वजनिक गरेको छ ।
पोस्टरमा जितुलाई गोवद्र्धन पण्डितको रुपमा चित्रण गरिएको छ । जितुलाई बुड्यौली दर्शाउने चस्मा र सोही अनुरुपको पहिरनमा खुईलिएको तालुले चरित्र बुझाउने प्रयास गरिएको छ । उनको यो गेटअपले फिल्ममा कतै जितुको दोहोरो भूमिकामा त छैन भन्ने कौतुहलता पनि जगाएको छ ।
जितुको दोहोरो भूमिका हो वा होइन भन्ने बारे निर्माण पक्षले केही बोलेको छैन । जितु यतिबेला फिल्मको प्रमोसनमा व्यस्त छन् । यही व्यस्तताबीच सार्वजनिक उनको गेटअपले कौतुहलता पैदा गरेको छ ।
राजकुमार पण्डित प्रस्तुतकर्ता रहेको फिल्ममा वसन्त निरौलाको निर्देशन छ । फिल्ममा जितु नेपाल, निती शाह, बुद्धि तामाङ, हिमेश पन्त, रमेश बुढाथोकी, प्रकाश घिमिरे, शिशिर वाङ्देल, दीपक आचार्यलगायतका कलाकारको अभिनय छ ।
