ब्युटी न्युज नेपाल
काठमाडौं, १३ असोज
शनिबार साँझ धादिङको धुनीबेशी नगरपालिका–९ झ्याप्लेखोलामा पहिरोले गाडी पुरिएका गाडीबाट हालसम्म ३५ जनाको शब निकालिएको छ । गाडीबाट निकालेर सबै शवहरु त्रिवि शिक्षण अस्पतालमा पोष्टमार्टमका लागि पठाइएको छ ।
त्यहाँ तीन वटा फरक गाडी पुरिएकोमा ती गाडीबाट ३५ जनाको शव निकालिएको शसस्त्र प्रहरी बलले जनाएको छ । जसमध्य शनिबार राति १४ वटा शव प्रहरीले निकालेको थियो । लु १ ख ४५७८ नम्बरको विंगरबाट शनिबार १४ वटा शव निकालिएको थियो । आईतबार २१ वटा शब त्यहाँबाट प्रहरीले निकालेको हो ।
नारायणघाटबाट काठमाडौं आउँदै गरेको ना २ ख १३४५ नम्बरको माइक्रोबसबाट १६ वटा शव निकालिएको पनि प्रहरीले जनाएको छ । ती मध्ये १२ जना पुरुष र ४ जना महिला छन् ।
त्यसैगरी गोरखाबाट काठमाडौं आउँदै गरेको ना ४ ख २२७० नम्बरको बसबाट ५ जना शव निकालिएको छ । मृतक पाँचै जना पुरुष रहेका छन् । हालसम्म निकालिएको ३५ वटा शवमा २५ पुरुष र १० महिला छन् ।
