ब्युटी न्युज नेपाल
काठमाडौं,११ असोज
चलचित्र ‘सारंग’ को फस्र्टलुक पोस्टर बिहीबार सार्वजनीक गरिएको छ । कोरियोग्राफरको रुपमा समेत परिचीत प्रशान्त तामाङले यो चलचित्र निर्देशन गरेका हुन् । उनको यो डेब्यु निर्देशन हो । चलचित्रको फस्र्टलुकसँगै प्रदर्शन मिति पनि तोेकिएको छ । यो चलचित्र आगामी ७ मंसिरबाट देशब्यापी प्रदर्शनमा आउने छ ।
बाल मनोबिज्ञान,बालअधिकार तथा धनी र गरिब परिवारबीचको खाड्लको बिषयमा यो चलचित्र निर्माण गरिएको छ । पोस्टरमा अभिनेत्री ऋचा शर्मा,उत्पल झा,बालकलाकार सम्राट थापा र आदित्य कार्कीलाई प्रस्तुत गरिएको छ ।
निर्देशक तामाङ स्वयम्को लेखन रहेको फिल्मलाई टि फल्क फिल्मस्ले बितरण गर्ने छ । फिल्ममा समीर मणि दीक्षित,सुरज तमु,मणि के राई,अनिषा न्यौपाने,निरज ब्ल्याक,दीपीका थापा,सुमन सागर जंग केसी,बिश्व स्याङ्वो, प्रभातजंगलगायतको समेत अभिनय रहेको छ ।
यो चलचित्रको छायाँकारमा गोपाल राय हुन भने सम्पादन मित्र ध्वज गुरुङले गरेका छन् । फिल्मका गीत डिपी खनालले लेखेका हुन्,संगीत शंकर थापा ‘स्माइल’ को छ । फिल्मले सबै वर्गका दर्शकमाझ बेग्लै छाप छोड्ने बिश्वास निर्देशक तामाङको छ । दर्शन बुद्ध फिल्मस्को ब्यानरमा यो चलचित्र निर्माण भएको हो ।
