ब्युटी न्युज नेपाल
काठमाडौं, ९ असोज
नयाँ गजल ’नजरका इशारा’को भिडियो सार्वजनिक भएको छ । किरण रिजालले गजल लेखेका हुन् । जसमा कमल बिस्टको स्वर र शशि विक्रम थापाको संगीत सृजना रहेको छ । गायक बिस्ट ’भ्वाइस अफ नेपाल’ सिजन २ का प्रतियोगी हुन् ।
गीतमा युवा–युवतीबीच अनायास उत्पन्न हुने प्रेम र त्यसले ल्याउने पीडालाई कलात्मक रूपमा प्रस्तुत गरिएको छ । भिडियोमा एक होटेलमा काम गर्ने युवकले त्यहीँ बस्न आएकी ग्राहकलाई मन पराउँछ, तर गलतफहमीकै कारण उनी मानसिक पीडामा फस्छन् । यो भावनात्मक कथा राज पौडेल र हेना नगरकोटीको प्रभावशाली अभिनयद्वारा जीवन्त भएको छ, जसको निर्देशन नारायण मगरले गरेका छन् ।
यस भिडियोका सिनेमेटोग्राफर ज्ञानेन्द्र शर्मा हुमागाईँ हुन् भने सम्पादक तथा रङ्ग संयोजक भीम विश्वकर्मा हुन् । भिडियो उत्पादन तथा वितरण रे अफ आर्ट्सले गरेको हो ।
