ब्युटी न्युज नेपाल
काठमाडौं, ९ असोज
छायाँकनमा जानै लाग्दा निर्देशक सुयोग गुरुङले आफ्नो चलचित्र ’जेरी अन टप’को कलाकारमा अभिनेत्री सुरक्षा पन्तलाई पनि समावेश गरेका छन् । यसमा यस अघि जसिता गुरुङ र आँचल शर्मा अनुबन्धित भएकोमा यतिबेला निर्माण पक्षले सुरक्षालाई पनि अनुबन्धित गरेको छ । सुरक्षासँग निर्माण पक्षले बुधबारमात्र सम्झौता गरेको हो ।
यसमा अब अनमोल केसी, आँचल शर्मा, जसिता गुरुङ, सुरक्षा पन्तलगायतको अभिनय हुनेछ ।
निर्माता सरोज न्यौपानेले नेपाली फिल्ममा हालसम्म पर्दामा नदेखिएको कथावस्तुमा आफ्नो फिल्म निर्माण हुन लागेको दाबी गरेका छन् । ’जेरी अन टप’को निर्माणमा अनन्या फिल्मस्’सँग दिपक भण्डारी, रविन शेरचन र रामकृष्ठ श्रेष्ठ जोडिएका छन् भने एसोसिएट निर्मातामा ओम अग्रवाल र विवेक थापा छन् ।
’जेरी अन टप’को कथा हेमराज बिसीको हो । बिसी अमेरिकामा भएका कारण यसको निर्देशकीय जिम्मेवारी सुयोगले पाएका हुन् । पहिलो यो चलचित्रलाई बिसीले निर्देशन गर्ने तय भएको थियो ।
