ब्युटी न्युज नेपाल
काठमाडौं, २३ भदौ
गायिका रिता श्रेष्ठको स्वरमा नयाँ गीत ‘हातैमा चुरा छन छन…’को भिडियो सार्वजनिक गरिएको छ । यो गीतमा आदेश गुर्माछानको संगीत रहेको छ । गीतको शब्द समिर राईले लेखेका हुन् । गीतमा प्रेम र प्रेमका सुनौला पलहरुलाई आकर्षक रुपमा समेटिएको छ ।
यो गीतको भिडियोमा अभिनेता यसराज गराच र मोडल समीक्षा पोखरेलको अभिनय रहेको छ । भिडियोमा यी दुईको जोडी सुहाएका छ । नृत्य प्रधान यो गीतको भिडियोमा दुबैको अभिनय राम्रो छ ।
यो गीतको भिडियोलाई अनुप डगोलले निर्देशन गरेका हुन् । भिडियोमा कोरियोग्राफी पनि अनुपकै रहेको छ । भिडियोलाई विजयराज भुर्तेलले छायाँकन तथा सम्पादन गरेका हुन् ।
