ब्युटी न्युज नेपाल
काठमाडौं, २० भदौ
शुक्रबारदेखि हलमा रिलिज भइरहेको चलचित्र ‘वर एण्ड वधु’को नयाँ माया…गीत सार्वजनिक गरिएको छ । यो रोमान्टिक गीत ओएसआर डिजिटलबाट सार्वजनिक गरिएको हो ।
गीतमा दीपक लिम्बु र प्रविशा अधिकारीको स्वरमा रहेको छ । गीतलाई शैलेन्द्र खनालले लेखेका हुन् । यसमा युग भुषालको संगीत छ ।
सार्वजनिक गीतमा फिल्मका मुख्य दुई कलाकारहरु नायिका आँचल शर्मा र नव–नायक विवेक कर्माचार्यको रोमान्टिक अवतार देख्न सकिन्छ ।
मिलन चाम्सको निर्देशनमा तयार भएको यो फिल्मको सार्वजनिक गीतको भिडियोमा कविराज गहतराजको कोरियोग्राफी छ ।
फिल्ममा विजय लामा, गरिमा शर्मा, विजु पार्की, किरण केसी, कुसुम शर्मा, दिनेश काफ्ले, रविन्द्र खड्का, अंशु महर्जन, सिता न्यौपाने, हिमेश पन्त लगायतका कलाकारहरुको अभिनय छ ।
एलआरके इन्टरटेन्मेन्टको व्यानरमा निर्माण भएको फिल्ममा जानुका थापाको लगानी छ । अमित रिजाल कार्यकारी निर्माता रहेको फिल्ममा सुदिप बरालको छायांकन छ ।
