ब्युटी न्युज नेपाल
काठमाडौं १६ भाद्र
गायक सिडी बिजय अधिकारी र गायिका अन्नु चौधरीको स्वरमा नयाँ आईटम गीत उत्ताउलो जवानी…को भिडियो दर्शकमाझ आएको छ । यो भिडियोलाई काठमाडौंमा एक समारोहबी सार्वजनिक गरिएको छ । स्वयं सिडि विजय अधिकारीले नै यो गीतमा संगीत सृजना गरेका छन् । यसको शब्द सुजन कोइरालाको हो ।
नयाँ गीत उत्ताउलो जवानी…को भिडियोलाई शुक्रबार एक कार्यक्रमका बीच सार्वजनिक गरिएको छ । बरिष्ठ संगीतकार सुरेश अधिकारीको प्रमूख आतिथ्यतामा भिडियो सार्वजनिक भएको हो । म्युजिक भिडियो निर्देशनको क्षेत्रमा पृथक पहिचान बनाएकी बबिता श्रेष्ठ ‘मलेकु’ को निर्देशनमा यो गीतको भिडियो तयार भएको हो । गीतको शब्द अनुसार निर्देशक बबिताले भिडियोलाई मादक र ग्लामर बनाएकी छिन् ।
यो गीतको भिडियोमा सागर लम्साल ‘बले’, अलिसा शर्मा र ग्रीष्मा पौडेलको शिर्ष अभिनय रहेको छ । भिडियोमा बलेको अभिनय प्रसँसामय छ ।कथानक चलचित्रहरुमा प्रस्तुत गरिने आइटम नृत्यको शैलीमा तयार भएको गीतले दर्शकहरुको मन सजिलै जित्न सकिने विश्वास निर्देशक बबिता श्रेष्ठले लिएकी छन् ।
यो भिडियोको नृत्य निर्देशन रोशन विश्वकर्मा र छायाँकन उत्तम हुमगाईंले गरेका छन् ।
