ब्युटी न्युज नेपाल
काठमाडौं, १७ भदौ
अभिनेत्री शिल्पा मास्केले निर्माण गरेको चलचित्र देवी यही तीजको अबसरमा २१ भदौबाट देशव्यापी रिलिज हुँदैछ । जसमा उनी सहित अभिनेता नाजिर हुसेन, गौरव पहारीको मुख्य भूमिका छ । यही चलचित्रको ‘सेलाइ देउ खोलामा…’ गीतको लिरिकल भिडियो यतिबेला सार्वजनिक गरिएको छ ।
सुशान्त गौतमको संगीत निर्देशन तथा सुष्मा सिग्देलको शब्द रचना रहेको सिनेमाको गीतमा सज्जा चौलागाई र समीक्षा अधिकारीको स्वर छ । सार्वजनिक गीतमा बाल गायिकामा अभानी अर्याल र शिक्षा लिम्बुको स्वर रहेको छ ।
क्राइम थ्रिलर जनरामा निर्माण भएको सिनेमाका निर्देशक सञ्जोग राई हुन् । सिनेमाको कथा निर्देशक राईले अजय गौतमसँग मिलेर लेखेका छन् । एक्जिबिट स्टुडियोको प्रस्तुतिमा सिनेमा ‘देवी’ बनेका हो । यो सिनेमा निर्माण टिमले सार्वजनिक प्रदर्शनका लागि बाँसुरी फिल्म्ससँगको सहकार्य गरेको छ ।
सिनेमा नेपालसहित विदेशमा पनि एकसाथ प्रदर्शनमा आउनेछ । चलचित्रको अन्य कलाकारमा टीका पहारी, प्रभाकर न्यौपाने, ध्रुब कोइराला, निरिक्षा घतानी, विशाल पहारी, निरु खड्का, जीवन जंग खड्का र विकास पन्त छन् । सन्जेन थापाले द्धन्द्ध निर्देशन रेमन गुरुङ र सञ्जोग राईले निर्माण गरेको यो चलिचत्रको कार्यकारी निर्माता जावेद खान तथा सह–निर्माता शिल्पा मास्के, उजेन नोर्वे गुरुङ, नारायण गुरुङ र मिलन लामा छन् । जोएल फ्रोमको डिओपी रहेको सिनेमाको पटकथा लेखनमा निर्देशक राईलाई अजय गौतमले सघाएका छन् । सिनेमालाई मनोज राठी र उज्वल पौडेलले वितरण गर्दैछन् ।
