ब्युटी न्युज नेपाल
काठमाडौं, १४ भदौ
आगामी १५ कात्तिक तिहारमा रिलिज हुने चलचित्र ‘एक्टरः टेक वान’को दोस्रो अफिसियल थिम पोस्टर सार्वजनिक गरिएको छ । पोष्टरमा अभिनेता प्रदीप खड्का घाईते अबस्थामा छन् । यो पोष्टरको तस्बिर चलचित्रको क्लाईमेक्स दृष्यको भएको अनुमान गर्न सकिन्छ ।
यो चलचित्रमा प्रदीपसँगै डेव्यु अभिनेत्री दिव्या रायमाझी, आना शर्मा, राजवल्लभ कोइराला, दिव्य देव, सुशील सिटौलालगायत कलाकारको अभिनय रहनेछ । राजन भुसालको निर्देशन रहेको फिल्मका निर्माता थमन कुमारी भण्डारी हुन् । क्रेयटिभ प्रोडयुसर मोती कार्की रहेको एक्टरको लाइन प्रोड्युसरमा तोरन क्षेत्री हुन् । फिल्मको कथा आकाश बराल र राजन स्वयंले लेखेका छन् ।
अदृत फिल्मस् र मोती फिल्मस्को प्रस्तुतिमा रहेको फिल्मलाई नरेन्द्र मैनालीले खिचेका छन् । यो फिल्मको वितरणको जिम्मा एप्पल इन्टरटेन्टमेन्ट र डिसिएनले लिएको छ ।
