ब्युटी न्युज नेपाल
काठमाडौं, ३० साउन
लोकगायिका सुनिता दुलालले आफ्नो नयाँ तीज गीत ‘नबोल अरु सँग’को भिडियो सार्वजनिक गरेकी छिन् ।
यो गतिमा सुनितालाई लोकगायक खेम सेञ्चुरीले स्वरमा साथ दिएका छन् । गीतको भिडियोलाई सुनिता दुलाल युटयुब च्यानलबाट सार्वजनिक गरिएको छ ।
नेत्र अर्यालको शब्द रहेको गीतलाई खेम सेञ्चुरीले संगीतबद्ध गरेका हुन् । गायिका दुलालले यसपटकको गीत आजसम्मकै उष्कृष्ट रहेकाले दर्शकश्रोताहरुलाई मनपर्ने दाबी गरिन् । नाचगानमा रमाउँने दिदीबहिनीहरुलाई लक्षित गरी तयार पारिएको यो गीत देशविदेशका सबैलाई मनपर्ने उनले बताइन ।
यो गीतको भिडियोमा प्रियंका कार्की, अञ्जली अधिकारी, गम्भिर विष्ट, सुरेश देवल लगायतको अभिनय छ । दुलालका पियारी, ’यो रमाईलो तिजैमा’, ‘यसपाली नि खाने दर’, ‘चुरा टिका लाली’, ‘इच्छा पु¥याइदेउ’, ‘नाचौ सरर’, लगायतका तीज गीत चर्चित छन् । तीज आउन केही हप्ता बाँकी रहेपनि यतिबेला सामाजिक संजाल तीजमय बनेको छ । तीजलाई नै लक्षित गरी दर्जनौं गीतसंगीत र म्यूजिक भिडियो सार्वजनिक भएका छन् ।
