ब्युटी न्युज नेपला
काठमाडौं, २७ साउन
गायक प्रकाश तिमिल्सिनाको निधन भएको छ । उनी आफ्नै कोठामा मृत भेटिएका छन् । दृष्टिबिहिन गायक प्रकाश तिमिल्सिना ललितपुर महानगरपालिका–१८ आदिनाथ मार्गस्थित घरमा बस्दै आएका थिए । तिमिल्सिना शनिबार राति ९ बजेतिर बेडमा मृत भेटिएका थिए ।
कोठामा मृत अवस्थामा फेला परेको उनको अहिले पाटन अस्पतालमा पोष्ट मार्टम हुँदैछ । तिमिल्सिनाका ‘प्रिय तिम्रो सिउँदोमा सिन्दूर भर्न देऊ‘, ‘तिम्रो हातको सिन्दूर’, ‘जुन भन्दिन’, ‘नमान लाज यसरी’, ‘नआए नि हुन्थ्यो’ लगायतका गीतहरू चर्चित छन् ।
आज लिउँसो उनको पार्थिव शरीर श्रद्धाञ्जलीका लागि संगीत तथा नाट्य प्रज्ञाप्रतिष्ठानमा राखिनेछ । उनको आजै पशुपतिमा अन्त्येष्टि गर्ने पारिवारिक स्रोतले जनाएको छ ।
