ब्युटी न्युज नेपाल
काठमाडौं, १६ साउन
निर्देशक सुदर्शन थापाले आफ्नो नयाँ चलचित्र रावायणलाई आफ्नो जन्म दिनसँगै यो वर्षको तिजको अबसर पारेर आगामी भदौ २१ मा रिलिज गर्ने भएका छन् । यसै क्रममा यो चलचित्रको फस्टलुक (पोष्टर) बुधबार सार्वजनिक गरिएको छ । अभिनेता पल शाहलाई दाह्री जुँगासहित क्रोधित मुद्रामा एकल रुपमा फस्टलुकमा समेटिएको छ । यसमा उनी रावण मुद्रामा देखिएका छन् ।
यो चलचित्रमा पल शाह, पुजा शर्मा, प्रियंका कार्की, प्रमोद अग्रहरी, निकीता चण्डक, प्रकाश शाह, कैलाश रावल, अर्जुनजंग शाही, शर्मिला मल्ल, प्रदिप ढकाललगायतको अभिनय छ । फिल्मको टिजर यही शुक्रबार सार्वजनिक हुँदैछ । सुदर्शन थापा प्रोडक्शन र पुजा शर्मा प्रोडक्शनको संयुक्त व्यानरमा बनेको फिल्मकी निर्माता पुजा शर्मा हुन् । फिल्ममा सुशन पाठक कार्यकारी निर्माता छन् ।
रावायणमा शिवम अधिकारीको लेखन, प्रदीप श्रीवास्तवको पटकथा, सौरभ लामाको छायांकन, मिलन श्रेष्ठको सम्पादन, निरज सिंह, रेवन आरती सिंहको संगीत, नकासा अजिज, कुनाल गान्जावाला, सोनु कक्करको स्वर, डा. कृष्णहरि बराल र प्रदीप श्रीवास्तवको शब्द, विक्रम स्वार र रामजी लामिछानेको कोरियोग्राफी, श्री श्रेष्ठको एक्सन, समीर मियाँको भीएफएक्स छ ।
