ब्युटी न्युज नेपाल
काठमाडौं १५ साउन
गायक अर्जुन पौडेलले आफ्नो स्वरमा नयाँ गीत ‘टेन्सन भको छ…’ को लिरिकल भिडियो सार्वजनिक गरेका छन् । बिगतमा चर्चित गीतहरु आफ्ना श्रोतामाझ पस्किसकेका गायक अर्जुन पौडेललाई ‘टेन्सन भको छ’मा गायिका मेलिना राईले युगल स्वरमा साथ दिएकी छिन् । यो गीतमा शब्द, संगीत राजनराज शिवाकोटीको रहेको छ । गीतलाई मिक्सिङ, माष्टरिङ किशोर थापा र एरेञ्ज माहाराज थापाले गरेका हुन् ।
सुन्ने भन्दा पनि हेर्ने गीतको प्रचलनलाई मध्यनजर गर्दै चाँडै नै ‘टेन्सन भको छ’को म्युजिक भिडियो निर्माण हुने पनि गायक गायक अर्जुन पौडेलले बताएका छन् । अहिले दर्शकको चाहना अनुसार यसलाई लिरिकल भिडियोको रुपमा ल्याएको पनि उनले प्रकाश पारे ।
