काठमाडौ, १३ फागुन
खलअभिनेता प्रशान्त ताम्राकार सहित अभिनेत्री हर्षिका श्रेष्ठ, सुस्मिता बमजन, क्षितिजा शाक्य, कमली वाइवालगायतले शनिबार नयाँ बजार, खुशिबुस्थित सामुयल डाइरेक्टको शो रुमको सँयुक्त उद्घाटन गरेका छन् । ब्याबसायिक सज्जा थापा र सुनील प्रधानको संयुक्त लगानीमा खुलेको यो शो रुममा बेलायतको चर्चित ब्राण्ड सामुयल डाइरेक्टका मेमोरी फोमयुक्त म्याट्रेस, तकिया, बेड कभरलगायतका उत्पादनहरु पाइन्छ ।
सज्जा थापाले कार्यक्रममा बोल्दै लामो समयको बेलायत बसाइमा मेमोरी फर्म र सामुयल डाइरेक्ट ब्रान्डबारे प्रचुर ज्ञान हासिल गरि नेपालमा पहिलोपटक यो ब्राण्डका उत्पादनको बिक्री सुरु गरेको जानकारी दिइन् । बजारमा पाइने मेमोरी फर्मका उत्पादनभन्दा आफूहरुले निकै कम रेटमा ब्राण्डेड सामाग्री उपलब्ध गराउने दावी उनको छ । ब्याबसायिक सज्जाले बिस्तारै देशका अन्य शहरमा पनि शो रुम बिस्तार गर्ने योजना रहेको सुनाइन् ।
खलअभिनेता प्रशान्तले सामुयल डाइरेक्टका प्रोडक्टहरु नेपाली बजारमा लोकप्रिय हुने बताए । उनले आफू पनि यस ब्राण्डप्रति आकर्षित छु भने । अभिनेत्री सुस्मिता बम्जनले नेपालका लागि नयाँ भए पनि सामुयल डाइरेक्ट ब्रान्डका होम एप्लाएन्स युरोपीयन बजारमा निकै चर्चित रहेको बताइन् । अभिनेत्री हर्षिका श्रेष्ठ र क्षितिजा शाक्यले पनि यी उत्पादन आफुहरुलाई मन पर्दै आएको जानकारी गराए ।
