ब्युटी न्युज नेपाल
काठमाडौं, २२ असार
गायक रामकृष्ण ढकालले आफ्नो स्वरमा शुक्रबार राजधानीमा एक समारोहबीच नयाँ गीत ’मायाको घर…’ सार्वजनिक गरेका छन् ।
गीतमा गोविन्द कँडेल ‘आशु’को शब्द रचना, हरि लम्सालको सङ्गीत तथा रामकृष्ण ढकालको स्वर रहेको छ। ’मायाको घर’ एउटा सुमधुर गीत हो, जसमा समावेश बाबा र छोरीको कथाले दर्शकको मन छुन्छ । गीतको भिडियोलाई स्वीकृति सापकोटाले निर्देशन गरेकी छन्। यसमा गायक ढकाल र पाँच वर्षीया कलाकार आर्या भानीले अभिनय गरेका छन्।
भिडियोमा ढकालले एकल पिता र आर्याले छोरीको भूमिकामा अभिनय गरेका छन् । भिडियोमा सुशील खनालको छायाङ्कन तथा सम्पादन रहेको छ भने क्रिएटिभ हेड आशा गौतम र सहायक निर्देशक रोशन अधिकारी हुन्।
