ब्युटी न्युज नेपाल
काठमाडौं, १२ असार
कान्तिपुर टेलिभिजनमा प्रस्तोता सुरज सिंह ठकुरीले सञ्चालन गर्दै आएको प्रतिष्ठित कार्यक्रम ‘इट्स माई शो’ यतिबेला पछिल्लो एक एपिसोडबाटै ध्वस्त भएको छ । मोडल ओसिन सिटौलालाई यो कार्यक्रम सञ्चालन गर्न दिएपछि उनले दुई अभिनेत्री साम्राज्ञी राज्यलक्ष्मी शाह र स्वस्तिमा खड्का मार्फत दुई अभिनेत्री, एक पूर्व मिस नेपाल र तीन अभिनेताको बौयक्तिक जीवनमा मानहानी पुर्याएकी छिन् । जसका कारण यतिबेला साम्राज्ञी र स्वस्तिमाले सर्वाधिक आलोचना खेप्नु परेको छ ।
निर्देशक कलाकार निश्चल बस्नेतसँगको विवाहपछि राष्टिय भाउजुको समेत सम्मान र उपमा दर्शकले स्वस्तिमालाई दिएका थिए । तिनै दर्शकले अहिले यी अभिनेत्रीलाई सभ्य र असभ्य दुबै भाषामा आलोचना गरेका छन् । साम्राज्ञीको आलोचना पनि रोकिएको छैन ।
यसैबीच २३ वर्ष कान्तिपुर टिभीमा काम गरिसकेका सुरज सिंह ठकुरीले ओसिन सिटौलाद्धारा सञ्चालित यो कार्यक्रम प्रति दुःख व्यक्त गरेका छन् । यस अघि यो शोलाई सुरजले निकै प्रतिष्ठित रुपमा सञ्चालन गर्दै आएका थिए । आफुले उचाईमा पुर्याएको शो गलत व्यक्तिको हातमा पर्दा माटोमा मिलेको महसुस सुरजले अहिले गरेका छन् । यस विषयमा उनले यस्तो टिप्पणी सामाजिक सञ्जालमा लेखेका छन्,‘सुरजले भनेका छन्, ‘भर्खरै कान्तिपुर टिभीमा सुरज सिंह ठकुरीसँग इट्स माइ शोको सम्बन्धलाई लिएर केही अन्योल भएको छ । म स्पष्ट गर्न चाहन्छु– म अब कुनै पनि हैसियतमा शोमा आबद्ध छैन, या त होस्ट वा प्रमुख कार्यकारी निर्माताको रूपमा ।’म यति मात्र भन्न चाहन्छु, मेरो २३ वर्षको समर्पण, इमान्दारी र मेरो ब्रान्डप्रतिको बफादारी ध्वस्त भएको छ । एक टेलिभिजनकर्मीको रुपमा म दुःखी छु’, ।
अहिले सर्वाधिक रुपमा यो कार्यक्रमको विरोध हुँदा समेत यो एपिसोडलाई न त कान्तिपुर टिभीले हटाएको छ । न त कुनै आधिकारिक अभिव्यक्ति दिएको छ ।
