ब्युटी न्युज नेपाल
काठमाडौ, ३१ जेठ
लायन्स अन्तर्राष्ट्रिय डिस्ट्रिक्ट ३२५ एल नेपाल अन्तर्गत को सशक्त क्लब लायन्स क्लब अफ काठमाडौँ अभियानले लायन्स क्लब अफ काठमाडौँ चन्द्रागिरी सर्कललाई स्पोन्सर गरेको थियो । सोही स्पोन्सर अन्तर्गतको चार्टर नाईट काठमाडौंमा सम्पन्न भएको हो ।
यही २७ जेष्ठमा एक बृहत समारोहबीच डिस्ट्रिक्ट ३२५ एल नेपालका गभर्नर लायन परमेश्वर बरालको प्रमुृख आतिथ्यतामा चार्टर ह्यान्डओभर कार्यक्रम आयोजना गरियो । सो कार्यक्रम लायन नवराज आचार्यको अध्यक्षतामा सम्पन्न भएको थियो।
कार्यक्रमका प्रमुख अतिथि डिस्ट्रिक्ट गवर्नर परमेश्वर बरालले कार्यक्रममा चार्टर गरिएको नयाँ क्लब लायन्स क्लब अफ काठमाडौँ चन्द्रागिरी सर्कलको योगदानको खुलेर चर्चा गरे । उनले यो क्लब एउटा उत्कृष्ट र नमुना क्लब बन्ने कुरामा आफु विश्वास्त भएको बताए ।
लायन्स क्लब अफ काठमाडौँ चन्द्रागिरी सर्कलकी संस्थापक अध्यक्ष लायन सुनकुमारी श्रेष्ठले आफू यो धर्ती छोडेर गएता पनि आफूले जन्माएको यो संस्थालाई आजीवन र जीवन्त राख्न सँधै कोशिस गर्ने बताईन् । उनले एउटा स्वस्थ र सक्रिय क्लबको रुपमा यसलाई अघि बढाउने प्रतिवद्धता जनाईन् ।
आफूले भ्याएसम्मको साथ र सहयोग दिँदै क्लबमा आबद्ध संस्थापक सदस्यहरूलाई सम्मानजनक ढंगबाट समेटेर अघि बढ्ने बताईन् । उनले नयाँ खोलिएको क्लब चन्द्रगिरी सर्कललाई सदैव सामाजिक क्षेत्रमा सेवाका भावले अगाडि बढिरहने प्रतिबद्धता पनि कार्यक्रममा जनाईन् ।
कार्यक्रमका विशेष अतिथि डिस्ट्रिक्ट ३२५ एल नेपालका निवर्तमान डिस्ट्रिक्ट गभर्नर लायन मनिश्री रत्न बज्राचार्य, द्वितीय भाइस डिस्ट्रिक्ट गभर्नर लायन तारा भुसाल, डिपार्टमेन्ट को चिफ लायन सोनी कारन्जितलगायतका व्यक्तिहरूले शुभकामना मन्तव्य दिए । सो कार्यक्रममा स्वागत मन्तव्य राख्दै अभियानका अध्यक्ष नकुल गिरीले अभियानको नयाँ कार्यबारे प्रकाश पारे ।
