ब्युटी न्युज नेपाल
काठमाडौं, २९ पुष
नयाँ चलचित्र एक्टर सेन्सर पास भएको छ । यो चलचित्रको शुक्रबार काठमाडौंमा एक समारोहबीच च्यारिटी शो गरिएको छ । यो चलचित्रलाई लायन्स क्लब अफ काठमाडौं सिद्धीले अपाँग असहायहरुको सहयोगका लागि च्यारिटी गरेको लायन्स सुमी रँजित र अनिता खड्का रायमाझीले जानकारी गराए । यो चलचित्रलाई च्यारिटीमा हेरेका दर्शकहरुले चलचित्र एक्टर निकै राम्रो बनेको प्रतिक्रिया दिए । दर्शकको राम्रो प्रतिक्रियाले आफु उत्साहित भएका यो चलचित्रको नव अभिनेता प्रिन्स थापाले बताए ।
यो चलचित्रमा प्रिन्स थापा, शिवानी गिरी, कशिस दाहाल, सरोज खनाल, कृष्ण मल्ललगायतका कलाकारहरुको मुख्य भूमिका रहेको छ । यो चलचित्रलाई मदन घिमिरेले निर्देशन गरेका हुन् । तन्नेरी पुस्ताको लागि लक्षित गरेर आफुहरुले यो चलचित्रलाई तयार गरेको उनले बताए ।
अब यो चलचित्रलाई चाँडै देश बिदेशमा प्रदर्शन गरिने भएको छ । यो चलचित्रलाई संगीतकार सम्राट थापा, सफलता थापा, सञ्चारकर्मी मनोहरि थापा लगायतले निर्माण गरेका हुन् ।
