ब्युटी न्युज नेपाल
काठमाडौं, २३ कात्तिक
बिबाहित महिलाहरुबीचको नेपालकै सवैभन्दा ठूलो सौन्दर्य प्रतियोगितामा इटहरीकी पृथ्वीया थापाले सोफी मिसेस नेपाल वल्र्ड २०२३ को उपाधि चुमेकी छन् । रिवन इन्टरटेनमेन्टको आयोजनामा असम र युथ वेद सह प्रायोजक रहेको प्रतियोगितामा लेखा परिक्षक रहेकी थापाले मूख्य उपाधिका साथ मस्ट ट्यालेन्टेडको उपाधिलाई पनि आफ्नो बनाएकी छन् र्। मिसेस वल्र्ड २०२२ सरगम कौशलले उनलाई सो ताज पहिराएकी थिइन् ।
थापाले सोफी मिसेस नेपाल वल्र्ड २०२३ भएवापत आगामी जनवरीमा अमेरिकामा हुने मिसेस वल्र्डमा नेपालको प्रतिनिधित्व अवसर प्राप्त गर्नेछिन् भने एक स्कुटर पनि प्राप्त गर्नेछिन् ।
बुधबार राती राजधानीको कमलादिस्थित नेपाल प्रज्ञा प्रतिष्ठानमा सम्पन्न प्रतियोगितमा सिर्जना केसी मिसेस नेपाल इन्टरनेसनल चुनिएकी छन् । एण्ड पिक्चर स्टुडियो मस्ट फोटोजेनिकको उपउपाधि विजेतासमेत भएकी उनले एक टेलिभिजन सेट तथा सिंगापुरमा हुने मिसेस इन्टरनेशनलमा नेपालको प्रतिनिधित्व गर्ने अवसर प्राप्त गर्नेछिन् ।
चमक दमकका साथ भव्य मञ्च र प्रकाश व्यबस्थापन तथा सांगितीक वातावरणमा सम्पन्न सो प्रतियोगितामा एक खुट्टा भएकी प्रतियोगी सीता सुबेदी एमएस नेपाल इन्टरनेसनलका साथमा रिबन इन्टरटेनमेन्ट म्यानेजमेन्ट च्वाईस अवार्ड विजेता भएकी छन् । उनले एमएस नेपाल इन्टरनेसनल भएवापत एक थान ओभन प्राप्त गर्नेछिन् भने सिंगापुरमा हुने एमएस इन्टरनेशनलमा नेपालको प्रतिनिधित्व गर्ने अवसर प्राप्त गर्नेछिन् । एक खुट्टले यस्तो प्रतियोगिता जित्ने उनी पहिलो अन्तराष्ट्रिय प्रतियोगी हुन् ।
सो प्रतियोगितामा आईना गजुरेल फस्ट रनर्सअपका साथमा वेस्ट ¥याम्पवाक, निशा बिष्ट सेकेन्ड रनर्सअप, सरु आरएल राणा थर्ड रनर्सअपका साथमा फेसन आईकन र आयुष्मा राई पब्लिक च्वाइस अवार्डका साथमा भ्युअर्स च्वाइस भएका थिए।
सो प्रतियोगितामा पुनम श्रेष्ठ रीलायाबल डाईग्नोस्टीक मस्ट डीसिप्लेन, रेखा सिंह रायमाझी नेपाल टुरिजम बोर्ड मिसेस टुरिजम एम्बेस्डर, मिना भट्टराई नेपाल टेलिकम मल्टि मिडिया च्वाइस अवार्ड, ज्ञानेश्वरी श्रेष्ठ फेसबुक च्वाइस अवार्ड, उत्सुकता नकर्मी ए र एस डेन्टल बेस्ट स्माइल, सलोनी श्रेष्ठ वाव वेस्ट हेयर, जेनी खड्का एन प्रोपÞmेसनल ब्युटी विथ कम्प्याक्सन, मंगली सिलवाल फ्लाईटेक इन्टरनेसनल बेस्ट डान्स, कोमल लामा सेटाफिल मस्ट डिसिप्लेन्ड बेस्ट स्कीन, पबिन श्रेष्ठ ओखती मिसेस कन्जिनियालिटी, रेखा बिष्ट आसम वेस्ट पर्सनालिटी र देबी थापा गुरुङ मिसलिन बेस्ट फिजीक उपाधि विजेता बन्न सफल भए ।
मिसेस नेपाल वल्र्डलाई आगामी दिनबाट अझ ससक्त बनाउँदै लैजाने आयोजक सँस्था रिबन इन्टरटेनमेन्टका अध्यक्ष निशुकान्त झाले कार्यक्रममा बताए । सो कार्यक्रमलाई पूर्व मिस नेपाल सुगरिका केसीले सञ्चालन गरेकी थिईन् ।
मिसेस नेपाल वल्र्ड २०२३ को कोरियोग्राफी अन्तराष्ट्रिय कोरियोग्राफर अश्विनीकान्त झाले गरेका थिए । सन्दीप भुजेलको डान्स कोरियोग्राफी तथा सम्राट शाह र गंगा महर्जनको संयोजनमा भएको सो समारोहमा दुर्गेश थापाले आफ्ना टिमसँग आधा दर्जन गीतसँगै नृत्य प्रस्तुत गरेर कार्यक्रमको रौनक बढाएका थिए । कलाकार सिडी बिजय अधिकारीको प्रस्तुति पनि उत्कृष्ट थियो ।
प्रतियोगितामा सौन्दर्य प्रतियोगिता संघका अध्यक्ष गोपाल सुन्दरलाल कक्षपति, त्रिभुवन अन्तरास्ट्रिय विमानस्थलका महाप्रबन्ध प्रतापबाबु तिवारी, नेपाल प्रहरीकी एआईजीपी डा. आशा सिंह, मुटु रोग विशेषज्ञ डा. ओम मुर्ति अनिल, पत्रकार अखण्ड भण्डारी र अभिनेत्री सरिता लामिछाने निर्णायक रहेका थिए ।
सो समारोहमा नेपालकै प्रथम नायिका भुवन चन्द थापालाई मानार्थ मिसेस नेपाल वल्र्डको क्राउनिङ गरियो । नेपाली चलचित्र उधोगमा अतुलनीय योगदान दिएको भन्दै उनलाई मानार्थ मिसेस नेपाल वल्र्डको सम्मान प्रदान गरिएको छ । यस्तै एसिड भिक्टिम मुस्कान खातुनलाई पनि कार्यक्रममा बिशेष सम्मान गरियो ।
तस्बिरहरु – बद्रि थापा/ब्युटी न्युज नेपाल
