ब्युटी न्युज नेपाल
काठमाडौं, ७ असोज
गायक बीर कुमार दत्त र गायिका अस्मिता अधिकारीको स्वरमा नयाँ गीत पिरतीको गीत…आएको छ । अभिनाष थापाको शब्द र भिम बिसीको संगीत रहेको यो गीतमा विश्व अधिकारीले संगीत संयोजन गरेका छन् । मिक्सिङ तथा मास्टरिङ भने कुमार रानाले गरेका हुन् ।
निरा खाती ईन्टरटेनमेन्टले तयार पारेको भिडियोलाई ओ.एस.आर. डिजिटल युट्युब च्यानलबाट सार्वजनिक गरिएको छ । यो गीतको भिडियोमा अभिनेत्री शिल्पा पोखरेल र मोडल गौतम खातीले अभिनय गरेका छन् ।
प्रेमील भावको गीतमाको भिडियोलाई सुब्रतराज आर्चायले निर्देशन गरेको हुन् । यसमा उत्सव दाहालको छायांकन रहेको विष्णु खड्काको सम्पादन तथा कलरिङ गरेका हुन् । भिडियो निर्माणको प्रोडक्शन म्यानेजर दिपेन गौतम (माईकल) हुन् ।
गौतम खाती विश्वको कीर्तिमानी एडभेन्चर स्टारको रुपमा परिचित नाम हो । कराँते खेलको ब्ल्याक बेल्ट ड्रेस लगाएर उडिरहेको हेलिकप्टरवाट स्काइ ड्राइभ गरेर वि.सं.२०७५ सालमा गिनिज बुक अफ वल्र्ड रेकर्डमा आफ्नो नाम लेखाउन उनी सफल भएका थिए । उनले जसरी खेल जगतमा सफलता प्राप्त गरे उसै गरि कला क्षेत्रमा पनि सक्रिय रहेका छन् ।
बिगतको जस्तै अहिलेको भिडियोमा पनि गौतमको जोडी शिल्पामा राम्रो बनेको छ । भिडियो सार्वजनिक भएसँगै सांगीतिक क्षेत्रमा यो भिडियोले चर्चा पाउन थालेको छ ।
