ब्युटी न्युज नेपाल
काठमाडौं, २१ भदौ
नयाँ चलचित्र मायावी निर्माण हुने भएको छ । असोजको पहिलो साताबाट छायाँकन सुरु हुने चलचित्र मायावीको मुख्य नायकमा अभिनेता पल शाह अनुबन्धित भएका छन् । यो फिल्म निर्देशक दिवाकर भट्टराईले निर्देशन गर्दैछन् ।
नावालिक जवरजस्ती करणीको अभियोगमा एक वर्ष जेल जिवन विताएर बाहिर आएपछि पल बिगत ६ महिनादेखि म्युजिक भिडियोमा अभिनयरत थिए । उनी जेल यात्रापछि बल्ल चलचित्रमा आउन लागेका हुन् । निर्देशक दिवाकरले फिल्ममा पललाई प्रमुख अभिनेताका रुपमा भित्र्याइएको बताए । निर्देशक श्रीकृष्ण जन्माष्टमीको अवसर पारेर बुधबार ‘मायावी’को घोषणा गरेका थिए ।
फिल्ममा भट्टराई स्वयंको कथा रहनेछ । फिल्ममा यसअघि नै अभिनेत्री दीपिका प्रसाई नायिकाका रुपमा फाइनल भइसकेकी छन् । फिल्म ‘ऐश्वर्या’ पछि दिवाकर र दीपिकाको यो दोस्रो सहकार्य हो ।
फिल्मका अन्य कलाकार र प्राविधिक समय अनुकुल सार्वजनिक गरिँदै जाने निर्देशक भट्टराईले जानकारी दिए । क्रिएटिभ सिने आर्टसले निर्माण गर्न लागेको फिल्ममा एसडी योगीको संगीत, राम अविरल विष्टको गीत, राजुविक्रम थापाको डिओपी रहनेछ । फिल्म असोज २ गतेबाट फ्लोरमा जानेछ । फिल्मको छायांकन पोखराको रमणीय स्थलमा गरिने निर्देशक भट्टराईले जानकारी दिए ।
