ब्युटी न्युज नेपाल
काठमाडौं, २८ साउन
तीज नजिकिँदै गर्दा गायिका राधिका हमाल र गायक विवेक अर्यालको स्वरमा नयाँ तीज गीत ‘मादल…’ सार्वजनिक भएको छ । यो गीतको भिडियो वल्ड कभर मिडिया युट्युब च्यानलबाट सार्वजनिक भएको हो ।
गीतमा गायक विवेक अर्यालकै लय शब्द रहेको छ । मादल गीतमा सुरेश शाहीले संगीत संंयोजन गरेका छन् । म्यूजिक बैंक नेपालको स्टुडियोमा रिकर्ड गरिएको उक्त गीतलाई कृष्ण पुनले मिक्सिङ गरेका हुन् ।
यो गीतको भिडियो पनि आकर्षक बनेको छ । भिडियोमा नवराज पाण्डे र सरीता दान्कुटीको अभिनय रहेको छ । यो गीतको भिडियोलाई विरेन्द्र भाट विपिनले निर्देशन गरेका हुन् । भिडियोलाई निर्देशक भाटले नै सम्पादन गरेका छन । जसमा लाकेश भाटको सह सम्पादन रहेको छ ।
