ब्युटी न्युज नेपाल
काठमाडौं १२ साउन
चलचित्र ‘जय हो’को दोस्रो गीत ‘राजा रानी..’को भिडियो शुक्रबार काठमाडौंमा एक समारोहबीच रिलिज गरिएको छ । यो गीतको भिडियोमा फिल्मका अभिनेता सलोन बस्नेत र अभिनेत्री केकी अधिकारीको लभ केमेस्ट्री देखाईएको छ ।
आगामी भदौ ८ गतेबाट प्रदर्शनमा आउने सिनेमाको यस अघि रिलिज गीत जोमसोम…ले चर्चां बटुल्दै गर्दा यो दोश्रो गीत रिलिज गरिएको हो । यो गीतमा सागर आले मगरको शब्द तथा संगीत छ । नेपाल आईडलका स्टार सागर र सदिक्षा कट्टेलले यो गीत गाएका हुन् । गीतको भिडियोलाई रामजी लामिछानेले कोरियोग्राफी र सौरभ लामाले छायाँकन गरेका हुन् । पोखराको सुन्दर दृष्यहरु यो गीतको भिडियोमा समेटिएको छ ।
यो चलचित्रलाई टेक पौरखी राईले निर्देशन गरेका हुन् । फिल्मका निर्माता शोभित बस्नेत हुन् । जय होमा सलोन र केकीसँगै माओत्से गुरुङ, निशा अधिकारी, अर्पण थापा, प्रेम पाण्डे, दिपा शाक्य श्रेष्ठ, सुवी मगर, सुमिन गुरुङ, सुशान्त श्रेष्ठको मुख्य भूमिका छ । जय होमा सम्राट बस्नेतको द्वन्द्व निर्देशन, कविराज गहतराज र रामजी लमिछानेको कोरियोग्राफी, बनिश शाहको सम्पादन र समीर मियाँको भीएफएक्स छ ।
सिनेमामा सुरेश न्यौपानेको कथा लेखन, सौरभ लामाको छायांकन, शम्भुजित बाँस्कोटा र सागर आले मगरको संगीत छ । सिनेमाका निर्माता राज के अधिकारी र सुरज सरकार हुन्। सलोन सलिना फिल्म्सको व्यानरमा निर्माण भएको सिनेमाको प्रोडक्सन डिजाइनर केबलमान सिङ बस्नेत हुन् ।
