ब्युटी न्युज नेपाल
काठमाडौं, २८ असार
स्वरसम्राट नारायण गोपालको कालजायी गीतको सूचीमा केही मिठो बात गर…अग्र पँक्तिमा आउँछ । यतीबेला यो गीत भिडियोमा आएको छ । रेकर्ड भएको ३५ बर्ष पछि यो गीतको म्युजिक भिडियो निर्माण गरेर दर्शकमाझ ल्याईएको छ । बिहिवार जमलस्थित बिश्वज्योती सिनेमा हलमा एक कार्यक्रम बिच ’केहि मिठो बात गर ’ भिडियो सार्वजनिक गरिएको हो । गीतकार कालीप्रसाद रिजालको शब्द रचना रहेको गीतलाई स्वरसम्राट नारायण गोपालले २०४५ सालमा म्युजिक नेपालको स्टुडियोमा रेकर्ड गरेका थिए ।
यो गीतको नारायणगोपाल संगीत कोष संगको सहकार्यमा म्युजिक नेपालले भिडियो निर्माण गरेको हो । गीतको भिडियोमा नायिका केकी अधिकारी र दीपक भट्टको अभिनय रहेको छ । भिडियोमा चालिसको दशकको नेपालको परिवेशलाई समेटिएको छ ।
सुव्रत आचार्यलेको निर्देशन रहेको भिडियोमा बिजेश पौडेलको सम्पादन ,कलर तथा भिएफक्स र उत्सव दाहालको सिनेमाटोग्राफी रहेको छ । भिडियोलाई म्यूजिक नेपालले बजारमा ल्याइएको हो ।
