ब्युटी न्युज नेपाल
काठमाडौँ, १५ असार
गायक प्रताप दास र गायिका रानी शाक्यको स्वरमा नयाँ गीत मेरो सँसारको भिडियो सार्वजनिक भएको छ । प्रताप र रानीले तेश्रो पटक गायनमा सहकार्य गरेका हुन् । यसअघि यी दुइको ‘ढलक ढलक र शिरमा नाम्लो’ बोलको गीत सार्वजनिक भैसकेको छ । मेरो संसार गीतमा विना भट्टराइको शब्दमा तथा मिन गुरुङको संगीत रहेको छ ।
गीत र गीतको भिडियोलाई रोमान्टिक शैलीमा तयार पारिएको छ । यो गीतको भिडियोमा सुदित श्रेष्ठ र निलम चन्दले अभिनय गरेका छन् । यी दुबै मोडल कल कान्तिपुरमा काम गर्दै मोडलिङमा उदाएका हुन् । सुदित श्रेष्ठले नै निर्देशन गरेको भिडियोमा राजिव समरको कोरियोग्राफी, लुजा सिंहको छायांकन छ ।
