ब्युटी न्युज नेपाल
काठमाडौं, ६ असार
नेपाल चलचित्र निर्देशक समाजकी उपाध्यक्ष समेत रहेकी अभिनेत्री दिपशिखा सिंह खड्काले बुधबार कानूनी विवाह गरेकी छिन् । उनले अमनजंग बस्न्यातसँग कानूनी विवाह गरेकी हुन् । तीन दिन अघि मात्र टिकोटालो गरेकी दीपशिखा पछिल्लो समय अमनजंगसँग प्रेम सम्बन्धमा थिईन् । बस्न्यात कतार एयरलाइन्समा कार्यरत छन् ।
दीपशिखा र अमनजंगले केही आफन्तलाई साक्षी राखेर बुधबार काठमाडौँ जिल्ला अदालतमा कोट म्यारिज गरेको बताईएको छ ।
अभिनेत्री दीपशिखाको हातमा चलचित्र नभएपछि उनी पछिल्लो समय एउटा टेलिभिजनसँग जोडिएकी छिन् ।
उनले चार वर्ष अघि चलचित्र ‘प्रेमलिला’ निर्देशन तथा निर्माण गरेकी थिइन् । सोही चलचित्रमा उनी मुख्य भूमिकामा थिईन् । त्यसपछि उनलाई फिल्ममा नायिकाको रुपमा देख्न पाईएको छैन । सोही चलचित्र निर्देशन गरेका कारण उनी यसपटक निर्देशक समाजको उपाध्यक्ष भएकी हुन् ।
