ब्युटी न्युज नेपाल
काठमाडौ, १९ जेठ
म्युजिक खबरकी सम्पादक तथा गीतकार सबिता पोख्रेलले आफ्नो रचनामा नयाँ गीत एक चिम्टी सिन्दुर…को भिडियो दर्शकमाझ ल्याएकी छिन् । उनले यो गीतको भिडियोलाई म्युजिक खबरको युटुव च्यानलबाट सार्वजनिक गरेकी छिन् ।
गीतकार पोखरेलले यस अघि पनि थुप्रै गीतहरु आफ्नो रचनामा ल्याईसकेकी छिन् । यस अघि लोक, आधुनीक, पप तथा पर्वका गीतहरु ल्याएकी सबिताले यो नयाँ गीत आधुनिक शैलीमा तयार गरेकी छिन् ।
सविताको यो गीतमा गायिका अन्जु पन्तको स्वर रहेको छ । गीतमा सञ्चारकर्मी संगीतकार सरोज कोइरालाले संगीत दिएका छन् । प्रेमको आसक्ति र यसले निम्त्याएको समस्यामा यो गीत केन्द्रित छ । गीतकाृ भिडियोमा पनि यही भावलाई प्रस्तुत गरिएको छ ।
यो गीतको भिडियोमा अभिनेता सागर लम्साल (बले), मोडल अञ्जली अधिकारी र अर्की मोडल समिक्षा क्षत्रीले अभिनय गरेका छन् ।
यो गीतको भिडियोलाई प्रकाश भट्टले निर्देशन गरेका हुन् । जसमा नविन उप्रेतीको सम्पादन, नवराज उप्रेतीको छायाँकन रहेको छ । विवाहित पुरुषको त्रिकोणात्मक प्रेममा यो गीतको भिडियो केन्द्रित छ ।
