ब्युटी न्युज नेपाल
काठमाडौं, १९ फागुन
नयाँ चलचित्र प्रसाद २ आगामी चैत्र २४ मा रिलिज हुने भएको छ । यो फिल्मको रिलिज मिति नजिकिँदै गर्दा यसको ट्रेलर सार्वजनिक भएको छ । यो चलचित्रमा फिल्ममा विपिन कार्की र केकी अधिकारी, अर्पण थापा, महेश त्रिपाठी, कमलमणी नेपाललगायतका कलाकारको पनि मुख्य भूमिका छ ।
सुदर्शन थापाको निर्देशनमा तयार भएको यो फिल्मले राजनीतिक र सामाजिक कथालाई उठान गरेको छ । फिल्ममा विपिन कार्की र केकी अधिकारी मुख्य भूमिकामा छन् । उनीहरुको बैबाहिक जीवनपछि जातीयताको कारण आउने समस्या, त्यसमा अन्य व्यक्तिहरुले खेल्ने खेलको कथामा फिल्म बनेको वुझ्न सकिन्छ ।
राजेश श्रेष्ठको छायांकन रहेको फिल्ममा सुशील पौडेलको कथा छ । फिल्ममा मिलन श्रेष्ठको सम्पादन, राजनराज सिवाकोटीको संगीत छ । फिल्मको निर्माता सुदर्शन बस्नेत हुन् । सुभाष थापाको प्रस्तुतिमा तयार भएको फिल्मको ट्रेलरले दर्शकमा उत्साह र अपेक्षा बढाउने पक्का छ ।
एसजी फिल्मस्ले सुलभ थापा प्रोडक्शनसँग सहकार्य गर्दै यो फिल्मको निर्माण गरेको हो । ‘प्रसाद’ व्यापारिक र समीक्षागत रुपमा हिट भएपछि यसको निर्माणपक्षले यसको सिक्वेलको निर्माण गरेको हो ।
